Driver ng SUV na nag-counterflow sa Skyway habambuhay nang hindi makakapagmaneho

Habambuhay nang kanselado ang lisensya ng driver ng SUV na nakitang nag-counterflow sa Skyway.

Iniutos ni Transportation Secretary Vince Dizon ang perpetual revocation ng lisensya ni
Jake Nazareno dahil maliban sa pag-counterflow niya sa Skyway ay napag-alamang lasing din siya habang nagmamaneho.

Humarap sa Land Transportation Office si Nazareno makaraang isyuhan ito ng show cause order ng ahensya.

Pinagmulta siya ng P2,000 dahil sa Obstruction of Traffic at Driving Against Traffic.

Ipinagharap na din si Nazareno ng kasong paglabag sa Anti-Drunk Driving at Reckless Driving Act. (DDC)