Sumbong tungkol sa child labor, online exploitation natanggap ng Makabata Helpline dalawang araw matapos itong ilunsad

Nakatanggap na ng labingwlaong (18) sumbong ang Makabata Helpline 1383 – dalawang (2) araw matapos itong ilunsad ng Council for the Welfare of Children o CWC.

Kabilang sa mga sumbong at katanungan na natanggap sa Helpline ay may kaugnayan sa seryosong isyu ng child labor, online exploitation, child custody and support at paglabag sa karapatan ng mga bata.

Hinikayat ng CWC ang publiko na agad tumawag sa Helpline kung mayroon silang alam na insidente ng pang-aabuso sa mga bata kabilang ang physical, verbal, sexual, emotional, exploitation, at pagpapabaya.

Bukas ang Makabata Helpline 1383 ng 24/7 at isa itong central reporting system para sa lahat ng bata na nangangailangan ng special protection.

Maliban sa pagtawag sa numero 1383, maaari ding mag-chat sa Makabata Helpline 1383 Facebook page at Instagram account. (DDC)