Wala pang ilalagay sa Comelec control sa idaraos na BARMM Parliamentary Elections – Chairman Garcia

Wala pang lugar sa Bangsamoro Autonomous Region in Muslim Mindanao na kailangang ilagay sa kontrol ng Commission on Elections.

Pahayag ito ni Comelec Chairman George Erwin Garcia kasabay ng pormal na pagsisimula ng election period sa BARMM bukas, August 14.

Sinabi din ni Garcia na hindi pa kailangang humugot ng pwersa ng pulis at sundalo mula sa ibang lugar dahil dahil sapat pa ang deployment sa rehiyon para tiyakin ang seguridad sa kabuuan ng election period.

Simula bukas ay iiral na ang gun ban para sa BARMM Parliamentary Elections na tatagal hanggang Oct. 28, 2025.

Humingi naman ng pang-unawa si Garcia sa mga residente dahil ipapakalat na ang mga checkpoint sa iba’t ibang panig ng rehiyon. (DDC)