2 Japanese Language Centers sa Cebu na sangkot sa illegal recruitment, ipinasara ng DMW

Ipinasara ng Department of Migrant Workers ang dalawang Japanese language centers sa Cebu dahil sa pag-aalok ng trabaho sa Japan nang walang lisensya o otorisasyon mula sa DMW.

Unang kinandado ng DMW Anti-Illegal Recruitment and Trafficking in Persons Program ang Basalo Japanese Language School, Inc. sa Minglanilla, Cebu na nag-alok ng anim na buwang Japanese language training at naningil ng P72,000 bilang training fee para sa trabaho bilang caregiver, housekeeper, butcher, o food processor sa Japan.

Sumunod na ipinasara ang Nalacebu Language Training Center sa Cebu City na nag-aalok naman ng N4 at N5 level Japanese language training sa halagang P22,500 at ang mga papasa ay pinapangakuang idedeploy sa Japan blang housekeeper, caregiver, o factory worker.

Nalacebu, walang babayarang placement fee ang mga aplikante dahil dadaan din ito sa Specified Skilled Worker Program ng Japan.

Inirekomenda naman ng DMW sa LGU ng Minglanilla at Cebu City na kanselahin ang kanilang business permits ng dalawang pasilidad maging ang registration sa Securities and Exchange Commission at Department of Trade and Industry. (DDC)