DILG employees, elected at appointed LGUs binawalan sa online gambling

Pinagbawalan ng Department of the Interior and Local Government ang lahat ng kanilang personnel at mga empleyado sa attached agencies nito, elected at appointed local government officials na mag-online gambling.

Sa memorandum circular na nilagdaan ni DILG Secretary Jonvic Remulla, mas pinaigting ang kautusan na nagbabawal sa casino gambling at iba pang online platforms dahil banta ito sa integridad ng public service.

Ayon sa memorandum, ang paglalaro ng online gambling ay nakababawas sa kredibilidad ng institusyon at taliwas ito sa sinumpaang tungkulin ng mga opisyal na maninilbihan ng may integridad, kakayagan at loyalty.

Ang mga mahuhuling naglalaro ng online gambling ay mahaharap sa kasong administratibo at criminal.

Epektibo sa lalong madaling panahon ang memorandum ng DILG. (DDC)