2 crew ng China Coast Guard nasawi matapos ang banggaan sa Bajo de Masinloc ayon kay Senator Lacson

Sinabi ni Senator Panfilo Lacson na mayroong dalawang napaulat na nasawi sa barko ng China Coast Guard na nabangga ng Navy Ship ng People’s Liberation Army.

Ayon kay Lacson ito ay kasunod ng insidente sa Bajo de Masinloc Lunes, August 11 ng umaga kung saan nagkabanggaan ang dalawang barko ng China habang sinusubukang habulin ang barko ng Philippine Coast Guard na BRP Suluan.

Tinawag ng senador na “senseless loss” ang sinapit ng dalawang crew ng CCG.

Ayon sa senador, bagaman dapat papurihan ang husay ng kapitan ng barko ng PCG, nakikiramay din ito sa pagkasawi ng dalawang CCG personnel. (DDC)