Michael Sorela ng GenSan Warriors pinatawan ng lifetime ban ng MPBL dahil sa pananapak kay Jonas Tibayan ng Mindoro Tamaraws

Habangbuhay nang hindi makakapaglaro sa MPBL ang player na si Michael Sorela mula sa koponan ng General Santos City.

Kasunod ito ng insidente na naganap sa laban ng Gensan Warriors at Mindoro Tamaraws kung saan sinuntok sa mukha ni Sorela si Jonas Tibayan.

Pinatawan din ng P200,000 na multa si Solera dahil sa pananakit kay Tibayan na nagtamo ng pinsala sa aniyang panga.

Kinondena din ng MPBL ang nangyari at sinabing hindi nito kinukunsinte ang mga ganitong pangyayari.

Ayon kay MPBL Commissioner Kenneth Duremdes, dahil sa nangyari ay nakompromiso ang kaligtasan ng mga manlalaro at nabahiran ang imahe ng liga. (DDC)