VP Sara Duterte idinepensa ang mga biyahe niya abroad

Dumepensa si Vice President Sara Duterte sa kaniyang pagbiyahe sa labas ng bansa nitong nagdaang mga araw.

Sa panayam sa Davao City, sinabi ng bise presidente na bumibiyahe siya sa labas ng bansa dahil sa mga Filipino communities abroad na tumitindi ang pagkadismaya sa mga nangyayari sa bansa.

Isa rin aniya sa dahilan ng kaniyang paglabas ng bansa ay para bisitahin ag kaniyang nakakulong na ama.

Simula noong Marso, tatlong beses na nagtungo sa The Hague si VP Sara at bumiyahe din siya sa Qatar, Malaysia, Australia at South Korea.

Ginawa ng bise presidente paliwanag matapos na tawagin ni ACT Teachers Party List Rep. Antonio Tinio na paglalamyerda ang kaniyang pagbiyahe-biyahe sa ibang bansa. (DDC)