Bagyong Gorio bumagal, posibilidad na magtaas ng TCWS sa bahagi ng Extreme Northern Luzon hindi inaalis ng PAGASA

Bumagal ang kilos ng bagyong Gorio habang nananatili sa bahagi ng Philippine Sea.

Huling namataan ng PAGASA ang bagyo sa layong 1,045 kilometers east ng Extreme Northern Luzon taglay ang lakas ng hangin na aabot sa 110 kilometers per hour at pagbugsong aabot sa 135 kilometers per hour.

Kumikilos ito sa bilis na 20 kilometers per hour sa direksyong west southwest.

Ayon sa PAGASA, walang magiging direktang epekto sa bansa ang bagyo.

Gayunman, kung magpapatuloy ang kilos nitong pa-timog kanluran ay may posibilidad na magtaas ng Tropical Cyclone Wind Signal sa bahagi ng Extreme Northern Luzon.

Ayon sa PAGASA posibleng lumakas pa ang bagyo at maging typhoon bago ito mag-landfall sa Taiwan sa Miyerkules, August 13. (DDC)