Publiko pinag-iingat sa pekeng DBM National Cash Aid

Pinag-iingat ng Department of Budget and Management ang publiko sa kumakalat na text message na nagsasabing nakatanggap umano sila ng halagang P5,000 sa kanilang GCash account na galing sa DBM National Cash Aid.

Ayon sa DBM, hindi kasama sa mandato ng ahensya ang mamigay ng ayuda, at wala itong “National Cash Aid” program.

Paalala ng DBM sa publiko, huwag paniwalaan ng naturang mensahe dahil isa itong scam.

Hinihikayat din ang lahat na maging mapanuri sa mga impormasyon na natatanggap sa pamamagitan ng text message o social media. (DDC)