3-taong gulang na bata dinukot ng kasambahay sa QC, nailigtas

Nailigtas ng mga tauhan ng Quezon City Police District ang isang tatlong taong gulang na batang babae na dinukot ng kanilang kasambahay.

Ayon sa imbestigasyon, gabi ng Lunes, August 10 habang kalong ang bata ay nagpaalam ang kasambahay na kukuha lamang gamot sa di kalayuan dahil sumasakit ang kaniyang tiyan gayunman, hindi na ito bumalik.

Ilang oras ang lumipas ay nakatanggap ng mensahe ang magulang ng bata at hinihingan sila ng P150,000 para ibalik sa kanila ang kanilang anak.

Nang maiparating sa pulisya ay agad na nagkasa ng operasyon na nagresulta sa pagkaka-aresto ng suspek madaling araw ng Lunes, August 11 sa kahabaan ng FPJ Avenue, Quezon City at ligtas na nakuha ang bata.

Nabatid na ang kasambahay ay dalawang taon nang naninilbihan sa pamilya. (DDC)