1,200 residente na naapektuhan ng habagat at bagyo benepisyaryo ng TUPAD program sa Las Piñas City

Nasa 1,200 na residente ng Las Piñas City na naapektuhan ng nagdaang habagat at mga bagyo ang mabebenepisyuhan sa Tulong Pangkabuhayan sa Ating Disadvantaged/ Displaced Workers o TUPAD program ng Department of Labor and Employment (DOLE), sa tulong ni Mayor April Aguilar at ng Public Employment Service Office (PESO).

Sa loob ng sampung araw, ang mga TUPAD beneficiaries ay magsasagawa nang paglilinis sa mga barangay kabilang ang pagwawalis, pagpapaluwag ng mga baradong kanal, at iba pang gawaing pangkalinisan.

Ang bawat benepisyaryo ay makatatanggap ng P6,950.00 sa ilalim ng naturang programa.

Patuloy na tinutugunan ni Mayor April ang pagbibigay ng agarang suporta at kabuhayan ang mga pamilyang lubhang naapektuhan ng kalamidad sa lungsod. (Bhelle Gamboa)