1,700 na kilo ng recyclable materials nakulekta ng MMDA sa “Recyclables Mo, Palit Grocery Ko” program
Umabot sa mahigit 1,700 na kilo ng recyclable materials ang nakulekta sa ilalim ng “Recyclables Mo, Palit Grocery Ko” project ng Metropolitan Manila Development Authority.
Ayon sa MMDA Materials Recovery Facility, patuloy na lumalago at umaabot na sa mas maraming barangay sa Metro Manila programa.
Sa pagsasagawa ng Collection at Market Days, umabot sa 1,798 kilo ng recyclables ang nakolekta mula sa mga residente ng iba’t ibang barangay sa Metro Manila kabilang ang sumusunod:
Brgy. 813 sa Manila
Brgy. Sucat at Bagong Silang sa Muntinlupa City
Brgy. Tañong sa Malabon City
Brgy. Pinagbuhatan sa Pasig City
Brgy. Burol sa Mandaluyong City
Sa ilalim ng proyekto, hinihikayat ang mga komunidad sa Metro Manila na makilahok sa tamang pamamahala ng basura at recycling.
Ang mga recyclable materials na kinokolekta ng mga residente ay pinapalitan ng grocery items gaya ng de lata, instant noodles, bigas, kape, at iba pa. (DDC)
