LPA sa kanluran ng Ilocos Region naging ganap nang bagyo; pinangalanang Fabian ng PAGASA

Isa nang ganap na bagyo ang Low Pressure Area na binabantayan ng PAGASA sa Ilocos Region at pinangalanan itong bagyong Fabian.

Sa 11AM weather bulletin ng PAGASA ang sentro ng bagyo ay huling namataan sa layong 185 kilometers West ng Batac, Ilocos Norte.

Taglay nito ang lakas ng hangin na aabot sa 45 kilometers per hour malapit sa gitna at pagbugso na aabot sa 55 kilometers per hour.

Kumikilos ang bagyo sa bilis na 10 kilometers per hour sa direksyong northwest.

Ayon sa PAGASA wala pang direktang epekto ang bagyo sa bansa at inaasahang lalabas din agad ito ng Philippine Area of Responsibility mamayang gabi o bukas ng umaga.

Inaahasan ding hihina ito at magiging LPA muli sa paglabas nito sa bansa.

Samantala ang Tropical Storm na may international name na “Podul” ay patuloy pa ring binabantayan ng PAGASA sa labas ng bansa. (DDC)