355 ALS gradutes kabilang ang 67-anyos na babae Las Pin̈as nagdiwang sa tagumpay
Pinangunahan ni Mayor April Aguilar ang graduation at moving-up ceremony ng 355 na learners ng Alternative Learning System (ALS), na ginanap sa Las Piñas Elementary School Central sa Barangay Elias Aldana ng lungsod.
Buong pusong binati ni Mayor Aguilar ang mga nagsipagtapos at nagpaabot ng kanyang paghanga sa kanilang determinasyong makatapos ng pag-aaral sa kabila ng mga pagsubok na kanilang kinaharap.
Binigyang-diin ng alkalde ang kahalagahan ng ALS at ang pagtutulungan sa pagitan ng Las Piñas City government at ng Department of Education upang mabigyan ng pantay-pantay na oportunidad sa edukasyon ang bawat Las Piñero.
Nagbigay naman ng talumpati sa seremonya ang 67-anyos na si Gng. Emma G. Torio, isang graduate ng Junior High School, na naging inspirasyon para sa lahat dahil sa kanyang pagpupursigeng makapagtapos sa kabila ng kanyang edad. Ayon sa ginang, ang pagmamahal sa sarili ang susi upang matupad ang pangarap. (Bhelle Gamboa)
