PDRRMC Cagayan nagtaas ng Blue Alert Status
Itinaas na ng Cagayan Provincial Disaster Risk Reduction and Management Council ang “blue alert status” dahil sa nararanasang sama ng panahon dulot ng binabantayang Low Pressure Area.
Sa Pre-Disaster Risk Assessment sa pangunguna ng Office of Civil Defense Region 02, epektibo ngayong Huwebes, August 7 ang blue alert status.
Activated na din ang “Bravo emergency response protocol” at inihanda na ang rescue assets at at response cluster sa lalawigan.
Ayon sa Northern Luzon PAGASA Regional Services Division aasahan naman na ang paghina ng nararanasang pag-ulan dahil unti-unti nang lumalayo ang LPA.
Sa kabila nito, pinag-iingat pa rin ng PAGASA ang publiko sa posibleng pagbaha at pagguho ng lupa dahil sa ibinuhos na ulan ng LPA simula umaga. (DDC)
