Sistema ng Singapore sa basura at paglilinis ng waterways, nais matutunan ng MMDA

Bumisita sa tanggapan ng Metropolitan Manila Development Authority ang mga kinatawan ng National Environmental Agency o NEA ng Singapore.

Tinalakay ng NEA at ng MMDA ang mga inisyatiba na ipinatutupad sa Singapore para sa wastong pamamahala sa basura at paglilinis ng mga daluyan ng tubig.

Ayon kay MMDA Chairman Atty. Don Artes, ibinahagi ng mga opisyal ng NEA Environment Technology and Industry Development ang kanilang epektibong sistema at paggamit ng makabagong teknolohiya para mapangalagaan ang kalikasan.

Sinabi ni Artes na magpapatuloy ang kolaborasyon ng MMDA sa NEA officials para matutunan ng ahensiya ang best practices ng Singapore sa sistema sa basura at iba pang mga hakbang para mapanatili ang malinis at mas maayos na kapaligiran sa Metro Manila. (DDC, Bhelle Gamboa)