P32M na halaga ng bigas ibinigay ng Korea sa Pinas

Nagkaloob ng donasyon na mahigit 1,600 metric tons ng bigas sa Pilipinas ang Republic of Korea na nagkakahalaga ng mahigit 32 million pesos.

Ang bigas ay ipinagkalooban ng Korea sa Department of Social Welfare and Development sa pamamagitan ng United Nations – World Food Programme.

Pinangunahan ni DSWD Secretary Rex Gatchalian ang pagtanggap ng mga donasyong bigas sa
National Resource Operations Center (NROC) sa Pasay City.

Ayon sa DSWD, ang mga donasyong bigas ay dagdag sa mas pinaigting na disaster preparedness ng ahensya para masiguro na mayroong sapat na suplay ng pagkain ang mga Pilipino sa panahon ng kalamidad. (DDC)