OWWA nakipag-ugnayan na sa pamilya ng OFW na nasawi sa bus habang pauwi sa kaniyang pamilya sa Dumaguete
Nagpaabot ng pakikiramay ang Overseas Workers Welfare Administration sa pamilya ng overseas Filipino worker na pumanaw habang sakay ng pampasaherong bus at pauwi sana a kaniyang pamilya sa Dumaguete.
Ayon sa OWWA, si Wilma Auza ay matagal na nagtrabaho bilang OFW sa Kuwait.
Nakausap na ng OWWA ang pamilya ni Auza at tiniyak ang pagkakaloob ng suporta at tulong-pinansyal sa ilalim ng mga umiiral na programa para sa kapakanan ng mga naiwang pamilya ng OFW.
Batay sa ulat, mula Kuwait bumiyahe si Auza patungong Japan at pauwi ng Pilipinas.
Mula sa NAIA at bumiyahe naman ito patungong Cebu at mula Cebu ay sumakay ng bus para makauwi sa kanilang tahanan sa Dumaguete kung saan siya nasawi. (DDC, Bhelle Gamboa)
