2 drug suspek arestado sa Pasay City; halos P400K na halaga ng ilegal na droga nakumpiska
Naaresto ng mga operatiba ng Station Drug Enforcement Unit (SDEU) ng Pasay City Police Station ang dalawang drug suspects at nakumpiska ang halos ₱400,000.00 na halaga ng hinihinalang shabu at marijuana sa isinagawang buy-bust operation sa Barangay 193, Zone 20 sa lungsod.
Kinilala Pasay CPS Chief, Col. Joselito M. De Sesto ang mga suspek na sina
alyas “Par,” 52-anyos na babae, tinukoy na High-Value Individual (HVI), at alyas “DJ,” 28-anyos na lalaki, isang Street Level Individual (SLI).
Sa kasagsagan ng operasyon, nakumpiska ng otoridad ang 51.5 gramo ng umano’y shabu at 1 gramo ng high-grade marijuana o kush na tinatayang nagkakahalaga ng ₱351,700.00,eco bag, at buy-bust money.
Dinala ang mga suspek sa tanggapan ng SDEU para sa dokumentasyon at pagsasampa ng kasong paglabag sa Comprehensive Dangerous Drugs Act of 2002 laban kina alyas Par at alyas DJ sa Pasay City Prosecutor’s Office.
“This operation demonstrates our sustained efforts to disrupt the illegal drug network at every level. We remain focused on protecting our communities from the harmful effects of drug abuse,” wika ni SPD Acting District Director, BGen Randy Y. Arceo. (Bhelle Gamboa)
