Samar Cobra ligtas na naibalik sa wild matapos mahuli sa Cotabato

Isang sub-adult na Samar Cobra ang nailigtas at naibalik sa kanyang natural na tirahan matapos matagpuan sa bakuran ng isang bahay sa Brgy. Presbitero, Pigcawayan, Cotabato.

Ang cobra ay natuklasan ng may-ari ng bahay matapos niyang mapansin na unti-unting nababawasan ang kaniyang mga alagang sisw.

Agad namang humingi ng tulong ang residente sa Municipal Environment and Natural Resources Office sa Pigcawayan.

Ayon sa sumuring beterinaryo, ang Samar Cobra ay may habang 1.5 metro at bigat na 800 gramo at nasa maayos na kalusugan.

Bagaman nakalista bilang “Least Concern” sa International Union for Conservation of Nature Red List, nananatili ang banta sa populasyon ng Samar Cobra. (DDC)