PNR Bicol Express na biyaheng Laguna-Bicol, fake news ayon sa PNR

Hindi totoo ang kumakalat na impormasyon sa social media na operational na ang PNR Bicol Express na magpapaikli umano sa biyahe mula Laguna hanggang Bicol.

Nilinaw ng PNR na ipinag-utos ni Pangulong Ferdinand R. Marcos Jr. ang mabilis na rehabilitasyon ng rutang Calamba-Legazpi upang magamit na ito ng mga komyuter pagdating ng taong 2026.

Tiniyak din ng PNR na minamadali na ang pagsasa-ayos sa isyu ng right-of-way ng PNR-South Long Haul Project—ang linyang magdudugtong sa Maynila papuntang Bicol.

Sa kasalukuyan, operational ang biyahe ng PNR sa mga sumusunod na ruta:

𝗖𝗮𝗹𝗮𝗺𝗯𝗮 – 𝗟𝘂𝗰𝗲𝗻𝗮 (𝟮 𝗼𝗿𝗮𝘀 𝗮𝘁 𝟯𝟯 𝗺𝗶𝗻𝘂𝘁𝗼)
𝗦𝗶𝗽𝗼𝗰𝗼𝘁 – 𝗡𝗮𝗴𝗮 (𝟭 𝗼𝗿𝗮𝘀 𝗮𝘁 𝟭𝟮 𝗺𝗶𝗻𝘂𝘁𝗼)
𝗡𝗮𝗴𝗮 – 𝗟𝗲𝗴𝗮𝘇𝗽𝗶 (𝟯 𝗼𝗿𝗮𝘀 𝗮𝘁 𝟭𝟳 𝗺𝗶𝗻𝘂𝘁𝗼)

Paalala ng PNR sa publiko, mag-antabay lamang sa Facebook page ng ahensya para sa mga opisyal at beripikadong na anunsyo at impormasyon. (DDC)