Mahigit P31M na halaga ng mamahaling uri ng kahoy nakumpiska sa warehouse sa Pasay City

Hinarang ng mga tauhan ng Bureau of Customs – Ninoy Aquino International Airport ang isang outbound cargo na naglalaman ng rare at mamahaling uri ng “agarwood” o “lapnisan”.

Ayon sa BOC, ang kargamento ay idineklara na naglalaman ng “Mahogany Wood Hand Curving Design” at “”Dried Sibukaw Woodstick” pero nang isailalim ito sa physical examination, nakita ang mga “agarwood” na aabot sa P31,650,000 ang halaga.

Ang agarwood ay isa sa pinakamahal na uri ng kahoy sa buong mundo dahil ginagamit ito sa paggawa ng pabango, traditional medicine, at iba pang luxury products.

Ayon sa BOC, ang tangkang pag-export ng “agarwood” ay paglabag sa Customs Modernization and Tariff Act, Forestry Reform Code of the Philippines, at Wildlife Resources Conservation and Protection Act.

Dadalhin sa Department of Environment and Natural Resources ang mga nakumpiskang kahoy. (DDC)