Local Absentee Voting pinaaamyendahan; healthcare workers, PDWs, Senior Citizens at buntis dapat payagang makaboto ng mas maaga
Hiniling ng Commission on Elections sa mga kongreso na magkaroon ng batas na mag-aamyenda sa Local Absentee Voting o LAV para maliban sa mga pulis, sundalo at media ay mapayagan ding makaboto ng mas maaga ang nasa health sector, PWDs at senior citizens.
Ayon kay Comelec Chairman George Erwin Garcia, noong nagdaang May 12, elections nagpatupad ng early voting ang poll body at binigyan ng dalawang (2) oras ang mga senior citizen, PWDs at mga buntis na magang makaboto kung saan umabot sa 4.3 million mula sa nasabing mga sektor ang nakinabang.
Upang mas maraming sektor ang makinabang sinabi ni Garcia na dapat amyendahan ang LAV at maisama sa papayagang makaboto ng maaga ang mga healthcare worker at vulnerable sectors.
Kung mapapalawig ang LAV at magkakaroon ng Early Voting Law, ang mga doktor, nurse at iba pang kwalipikadong healthcare workers, mga senior citizen, PWDs at buntis ay papayagan na ding makaboto isang linggo bago ang mismong petsa ng eleksyon.
Sinabi ni Garcia na tali kasi ang kamay ng Comelec sa LAV dahil isa itong batas kaya nasa panig ng lehislatura ang paggawa ng hakbang upang mapalawig ito o maamyendahan. (DDC)
