Rehabilitasyon ng Dimasalang Bridge pinahihinto ng Manila City LGU

Nagpalabas ng cease and desist order ang Manila City Government sa rehabilitasyon ng Department of Public Works and Highways sa Dimasalang Bridge sa Sta. Cruz, Maynila.

Ayon kay Manila City Mayor Francisco “Isko” Moreno Domagoso, walang work clearance at walang permit mula sa LGU ang proyekto ng DPWH na magreresulta sa pagsasara ng southbound lane ng Dimasalang Bridge simula sa August 9, 2025.

Dagdag pa ng alkalde walang pinal na traffic management plan ang DPWH para sa rehabilitasyon ng tulay na tatagal hanggang sa December 15, 2025.

Inatasan din ng alkalde ang Department of Engineering and Public Works at ang Manila Traffic and Parking Bureau na kumpiskahin ang mga gamit ng DPWH kung magpipilit itong ituloy ang proyekto.

Una nang hiniling ng mayor sa public at private sectors na makipag-ugnayan muna sa City LGU bago ikasa ang kanilang proyekto gaya ng pagsasaayos o paghuhukay ng kalsada. (DDC)