LTO nag-isyu ng show cause order sa may-ari ng SUV na nakitang gumagamit ng Rear-Mounted Lights

Inalarma ng Land Transportation Office (LTO) ang isang SUV dahil sa paggamit ng rear-mounted light bars.

Kasunod ito ng video na ibinahagi ng netizen na nagpapakita sa isang FJ Cruiser na mayroong light bars sa likuran ng sasakyan at nagdulot ng pagkasilaw sa mga motoristang nasa likod nito.

Ayon kay LTO Chief, Assistant Secretary Atty. Vigor D. Mendoza II, nag-isyu na ang ahensya ng show cause order sa rehistradong may-ari ng nasabing sasakyan at inabisuhan itong isuko sa LTO ang lisensya ng driver ng SUV.

Sa inisyal na imbestigasyon dahil sa rear-mounted light bars ng FJ Cruiser, napabigla ng preno ang mga motorista sa likod nito dahil sa pagkasilaw.

Iniutos din na dalhin ang sasakyan kasama ang OR at CR nito sa LTO para mainspeksyon. (DDC)