200 nanay sabay-sabay na nagpasuso sa kanilang mga anak bilang paggunita sa Breasfeeding Awareness Month

Humigit-kumulang dalawangdaang mga nanay ang lumahok sa sabayang pagpapasuso sa Taguig City bilang pagdiriwang sa Breastfeeding Awareness Month.

Ayon sa Department of Health sabay-sabay na nagpasuso sa kanilang mga sanggol ang mga nanay bilang simbolo ng panawagan sa mas malawak na suporta sa exclusive breastfeeding.

Ang sabayang breastfeeding activity ay bahagi ng kampanya ng DOH na palakasin ang adbokasiya para sa tamang nutrisyon at kalusugan ng bawat sanggol.

Sa pinakahuling datos ng National Nutrition Survey, bumaba sa 50.4% o lima (5) lamang sa bawat sampung (10) sanggol ang eksklusibong pinapasuso at nakakakuha ng tamang nutrisyon mula sa gatas ng ina sa kanilang unang anim (6) na buwan.

Mababa rin ang bilang ng mga sanggol na nabibigyan ng sapat na complementary feeding kasabay ng patuloy na breastfeeding mula anim (6) na buwan hanggang dalawang (2) taon. (DDC)