San Pedro NB Exit ng SLEX, binuksan na sa mga motorista

Aasahan ang mas mabilis na biyahe ng mga motorista at commuters mula San Pedro, Laguna papuntang Manila matapos buksan ang San Pedro Northbound Toll Plaza sa SLEX.

Ayon kay Transportation Secretary Vince Dizon layon ng pagbubukas ng bagong toll interchange na pabilisin ang biyahe ng mga motorista at ibsan ang bigat ng daloy ng trapiko sa lugar.

Nagpasalamat din si Dizon kay Public Works and Highways Secretary Manuel Bonoan gayundin sa local government ng Laguna at sa operator ng SLEX na San Miguel Corp. Tollways.

Inaasahang 5,000 hanggang 10,000 motorista ang makininabang sa toll exit.

Makatitipid din 45-minuto sa oras ng biyahe dahil hindi na kailangang umikot sa Southwoods northbound exit papuntang Maynila. (DDC)