Batas na magpapaliban sa pagdaraos ng Barangay at SK elections lalagdaan ni Pang. Marcos sa Aug. 12
Sa August 12, 2025 pormal na lalagdaan ni Pangulong Ferdinand Marcos Jr. ang batas na magpapaliban sa Barangay and Sangguniang Kabataan Elections o BSKE.
Ayon kay Commission on Elections Chairman George Erwin Garcia, inabisuhan na sila ng Palasyo ng Malakanyang na lalagdaan ng pangulo ang batas alas 2:00 ng hapon sa August 12.
Sa ilalim ng panukalang batas, ang pagdaraos ng BSKE ay isasagawa sa unang Lunes ng November 2026.
Nakasaad din sa panukala na inaprubahan ng Kamara at Senado na gagawin ang BSKE tuwing ikaapat na taon.
Kapag nalagdaan na ito ni Pangulong Marcos bilang ganap na batas ay hindi na matutuloy ang nakatakdang Barangay at SK elections sa Disyembre. (DDC)
