OFW Lounge sa NAIA T1 pansamantalang isasara para ilipat sa mas malaking pwesto

Pansamantala munang isasara ang OFW Lounge na nasa NAIA Terminal 1 para mailipat ito sa bago at mas malaking pwesto.

Ayon sa abiso ng Overseas Workers Welfare Administration o OWWA, inaayos na ang mas pinalawak at mas maayos na pasilidad para mas maraming OFWs ang mapaglingkuran ng OFW Lounge.

Hindi naman pa inanunsyo ng OWWA kung kalian bubuksan ang bagong lounge.

Ang OFW Lounge ay libreng nagagamit ng mga OFW bilang pahingahan habang naghihintay ng kanilang flight kung saan pinagkakalooban din sila ng libreng pagkain at serbisyo.  (DDC)