Pahinga muna sa bagyo ang bansa sa loob ng dalawang linggo ayon sa PAGASA

Posibleng pahinga muna sa bagyo ang bansa sa susunod na dalawang linggo.

Sa 𝗧𝗥𝗢𝗣𝗜𝗖𝗔𝗟 𝗖𝗬𝗖𝗟𝗢𝗡𝗘 (𝗧𝗖)-𝗧𝗛𝗥𝗘𝗔𝗧 𝗣𝗢𝗧𝗘𝗡𝗧𝗜𝗔𝗟 𝗙𝗢𝗥𝗘𝗖𝗔𝗦𝗧 na inilabas ng PAGASA, sa unang linggo ng forecast period o mula July 30 hanggang August 5 mayroong isang tropical cyclone-like vortex (TCLV1) ang posibleng mabuo sa hilagang bahagi ng pagasa monitoring domain o PMD.

Gayunman, mababa ang tyansa na mabuo ito bilang isang bagyo.

Sa ikalawang linggo naman ng forecast period o mula August 6 hanggang August 12 isa pang TCLV2 ang posibleng mabuo sa silangang bahagi ng bansa ngunit mababa ang tyansa na ito ay mabuo bilang isang bagyo.

Dahil dito sinabi ng PAGASA na nakababa ang tropical cyclone threat potential sa loob ng dalawang linggo.

Agad namang magbibigay ng update ang pagasa sakaling magkaroon ng pagbabago sa pagtaya ng panahon. (DDC)