DILG pinaghahanda ang mga LGU sa posibleng paglilikas sa mga residente sa mga lugar na sakop ng tsunami advisory ng Phivolcs

Inatasan ng Department of the Interior and Local Government ang mga Local Chief Executives na maghanda sakaling kailanganing ilikas ang mga residente na naninirahan malapit sa baybaying dagat.

Sa memorandum na nilagdaan ni DILG Undersecretary for Local Government Marlo Iringan, pinaghahanda ang mga LGU sa paglikas sa mga reisdente na ang bahay ay nakatirik malapit a shoreline sa mga probinsyang sakop ng Tsunami Advisory ng Phivolcs.

Iniutos din ng DILG na i-activate ang Emergency Operations Centers at Incident Management Teams.

Dapat ding handa ang mga Evacuation Routes, Directional Signs at Safe Zones para sa at-risk communities.

At sa huli sinabi ng DILG na dapat makipag-ugnayan ang mga apektadong LGU sa Phivolcs at sa Regional at Provincial DRRMC na nakakasakop sa kanilang lugar. (DDC)