Kasunod ng malakas na lindol sa Russia, publiko pinaiiwas ng Phivolcs sa pananatili sa tabing-dagat

Naglabas ng abiso ang Phivolcs sa pagkakaroon ng minor sea-level disturbance sa ilang bahagi ng Pilipinas kasunod ng malakas na lindol na naganap sa Russia.

Bagaman hindi kinakailangan ng paglilikas, pinayuhan ng Phivolcs ang publiko na iwasang manatili sa tabing-dagat sa sumusunod na mga lugar:

Batangas
Quezon
Aurora
Camarines Norte
Camarines Sur
Albay
Sorsogon
Catanduanes
Northern Samar
Eastern Samar
Leyte
Southern Leyte
Surigao del Norte
Surigao del Sur
Dinagat Islands
Agusan del Norte
Davao Oriental
Davao de Oro
Davao Occidental
Davao del Sur

Kung nakatira malapit sa baybayin, iwasan muna ang paglangoy, pangingisda, boating at surfing.

Hindi dapat manatili sa tabing-dagat o tumambay sa mga beach hangga’t umiiral ang abiso ng Phivolcs. (DDC)