Online process para maka-avail ng Calamity Loan ng SSS binatikos ni Sen. Imee Marcos

Hinikayat ni Senator Imee Marcos ang Social Security System o SSS na maglatag ng alternatibong proseso para mas madali sa mga miyembro nito ang makapag-apply ng calamity loan.

Ayon sa senadora, binagyo at binaha na ng mga miyembro, papahirapan pa sila ng SSS na magproseso ng calamity loan sa pamamagitan ng online application.

Sinabi ni Senator Marcos na hindi naman lahat ng Pilipino ay mayroong cellphone at may access sa internet.

Inihirit ni Marcos na bawasan ang maraming requirements para makapag-avail ng loan at gawing mabilis at abot-kamay ang proseso upang hindi na madagdagan pa ang problema ng mga nasalanta ng pagbaha.

Ayon sa senadora responsibilidad ng mga ahensya ng gobyerno na ayusin ang anilang serbisyo sa publiko na kapag panahon ng kalamidad. (DDC)