Dalawa pang pumugang preso sa Batangas naaresto na

Muli nang naaresto ng mga otoridad ang dalawa pang pumugang preso mula sa Batangas Provincial Jail sa Ibaan, Batangas.

Ayon sa Batangas Police Provincial Office hawak na ngayon ng mga otoridad ang lahat ng sampung 10) Persons Deprived of Liberty na tumakas umaga ng Lunes, July 28.

Sinabi ni PCOL GEOVANNY EMERICK A SIBALO, Acting Provincial Director ng Batangas PPO, nagsagawa sila ng 24-oras na operasyon na nagresulta sa pagkakaaresto sa ika-siyam na takas na PDL na si alyas “Loreto,” sa bahagi ng Brgy. Salaban I sa Ibaan gamit ang thermal drone technology at rapid police deployment.

Sunod naming nadakip ang ikasampung takas na PDL na si alyas “Gerald,” sa bahagi naman ng Brgy. Manghinao Proper sa bayan ng Bauan.

Una nang naaresto ang tatlo sa mga takas na preso sa Sitio Burol, Brgy. Coliat, Ibaan gamit ang drone surveillance at ang limang iba pa sa bahagi naman ng STAR Tollway. (DDC)