Minuto lang ang pagitan, magkasunod na magnitude 4.2 na lindol tumama sa Batangas

Tumama ang magkasunod na pagyanig sa lalawigan ng Batangas.

Unang naitala ng Phivolcs ang magnitude 4.2 na lindol sa layong 11 kilometers southwest ng San Luis, 11:39 ng umaga ngayong Mares, July 29.

May lalim na 5 kilometers ang lindol at tectonic ang origin.

Naitala ang Intensity III sa Lemery, at Mabini, BATANGAS; at Tagaytay City, CAVITE; Intensity II sa Lipa, at Calatagan, BATANGAS; at Intensity I sa Bauan, BATANGAS.

Nasundan ito ng isa pang magnitude 4.2 na lindol sa 13 kilometers southwest sa bayan din ng San Luis 11:41 ng umaga.

3 kilometers naman ang lalim ng ikalawang pagyanig at tectonic din ang origin.

Naitala ang Intensity III sa Calatagan, Batangas at Intensity II sa Mabini, Batangas. (DDC)