Tugon ng pangulo sa kalamidad: Dagdag na evacuation centers, disiplina sa pagtatapon ng basura

Matapos makaranas ng magkakasunod na bagyo at Habagat na nagdulot ng pagbaha sa Metro Manila at sa maraming pang lugar sinabi ni Pangulong Ferdinand Marcos Jr. na magdaragdag pa ng makabagong evacuation centers sa bansa.

Ayon sa pangulo, target ng pamahalaan na hindi na mapagamit ang mga paaralan bilang evacuation centers para hindi naaabala ang pag-aaral ng mga estudyante.

Sa kaniyang State of the Nation Address, umapela din ang pangulo sa publiko na maging responsible at ipakita ang disiplina sa wastong pagtatapon ng basura.

Tuwing may kalamidad, sinabi ng pangulo na dapat na sumunod ang mga residente sa babala at tagubilin ng mga otoridad gaya ng agarang paglikas at pag-iwas sa danger zones.

Ayon sa pangulo, sa loob lamang ng buwan ng Hulyo ay apat na bagyo na ang dumaan sa bansa at ayon sa PAGASA, labingdawalang bagyo pa ang nagbabadya hanggang Disyembre. (DDC)