LWUA inatasan ni Pang. Marcos na papanagutin ang mga palpak na Water Districts
Pinatitiyak ni Pangulong Ferdinand Marcos Jr. sa Local Water Utilities Administration o LWUA na mananagot ang mga palpak na water districts at kanilang joint venture partners.
Sa kaniyang State of the Nation Address, sinabi ni Pangulong Marcos na marami ang reklamo kaugnay sa mahinang suplay ng tubig, at anim na milyong consumer sa bansa ang apektado nito.
Ayon sa pangulo, gumagawa na ng hakbang ang LWUA para mailagay sa ayos ang serbisyo ng tubig sa milyun-milyong residente gayundin ang gawing abot-kaya ang presyo nito.
Sinabi ng pangulo na maraming proyektong nakalatag ng administrasyon para mas mapabuti pa ang suplay ng tubig sa buong bansa.
May sistema na din aniya sa pagsasala ng tubig para makalikha ng malinis na inumin lalo na ang mga naninirahan isla.
Kabilang sa inirereklamo ng mga consumer ang suplay ng tubig ng Prime Water na pag-aari ng pamilya Villar at karamihan sa opearsyon ay sa Batangas, Cavite, Bulacan, Pampanga, Pangasinan, Cabanatuan, Tarlac, Camarines Norte, Subic, at iba pang lugar. (DDC)
