6 na sakay ng 2 bangka sa Ternate, Cavite nailigtas
Nasagawa ng rescue operation ang Philippine Coast Guard sa karagatang sakop ng Barangay Bucana, Ternate, Cavite.
Ayon sa Coast Guard, nakatanggap sila ng tawag mula sa isang concerned citizen umaga ngayong Biyernes, July 25 na may dalawang motor banca ang hinampas ng malalaking alon at may lulan na anim na katao.
Agad nagkasa ng rescue operation ang PCG at matagumpay na nailigtas ang anim na sakay ng mga motorbanca.
Patuloy naman ang paalala ng Coast Guard na iwasan na muna ang pumalaot dahil sa hindi magandang lagay ng panahon. (DDC)
