SPD naglunsad ng maigting na relief and rescue efforts sa kasagsagan ng malawakang baha sa katimugang Metro Manila
Bilang tugon sa patuloy na epekto ng Habagat, nagsagawa ang Southern Police District (SPD) ng serye ng koordinadong humanitarian at rescue operations sa katimugang Metro Manila upang tulungan ang mga apektadong residente.
Personal na binisita ni SPD Acting District Director Brigadier General Randy Y. Arceo ang evacuation center sa Carmencita Covered Court sa Barangay Talon Tres, Las Piñas City kung saan sinamahan siya nina Colonel Sandro Jay D.C. Tafalla, Chief of Police ng Las Piñas City Police Station, at Lt. Col. Ricky C. Sumalde, Acting Force Commander ng District Mobile Force Battalion (DMFB).Ininspeksiyon din ni BGen Arceo ang mga dineploy na PNP personnel sa lugar at inalam ang kalagayan ng mga evacuees.
Ayon pa sa SPD, nagkasa ng search and rescue operation ang mga tauhan ng Pasay CPS Sub-station 9 personnel (Villamor), sa Barangay 183, Villamor na matagumpay na natulungan ang mga apektadong residente sa kasagsagan ng pagtaas ng baha roon.
Sa Taguig City, ang DMFB-SPD’s TEAM 2 Search and Rescue (SAR) unit na pinangunahan ni Lt. Col Jonathan G. Mangohan, Deputy Force Commander kaagapay nito si Lt. Salvador Bassig ay naglunsad ng critical evacuation operation sa Pulo 3, Barangay Acacia, Hagonoy kung saan narescue ang limang pmilya kabilang ang nakaratay na sa banig na indibiduwal na ligtas na nailikas ng team Hagonoy Sports Complex kung saan binigyang-pugay ang mahalagang ambag sa rescue team ni Pat. Garcilliano,isang dedikadong DMFB personnel.
Samantala, patuloy ang SPD units sa pagmomonitor sa mga binahang lugar at umaasiste sa evacuation efforts sa buong distrito.Maraming pamilya sa Brgy. Hagonoy ang natulungan sa kasagsagan ng masamang lagay ng panahon. Ang relief efforts ay pinalawak pa kung saan nagbigay ang SPD ng hot meals sa mga evacuees mula sa Brgy. Baclaran, na nanunuluyan sa Baclaran Elementary School Evacuation Center.
Namahagi rinang mga opisyal ng SPD ng loaf bread sa mga evacuees na apektado ng Bagyong Crising at Dante sa Tunasan Pavilion sa Muntinlupa City, at nagdeploy libreng serbisyong transportasyon sa mga stranded na pasahero sa mga binahang lugar.
Binigyang-diin ni BGen Arceo na ang nagpapatuloy na mga hakbang ay sumasalamin sa hindi matatawarang pangako ng SPD na bantayan ang mga komunidad, tiyakin ang peace and order, at magbigay ng agarang tulong sa panahon ng emergencies.
“As continuous heavy rainfall and rising water levels affect parts of Southern Metro, the Southern Police District stands ready and committed to serve, protect, and assist our communities in weathering these challenges,”sabi ni BGen Arceo.
Ang SPD ay patuloy na nananawagan sa mga residente sa mga lugar na maaaring mabaha na manatiling alerto, sumunod sa mga abiso ng mga opisyal, at humingi ng tulong mula sa pinakamalapit na himpilan ng pulisya kung kinakailangan. (Bhelle Gamboa)
