MMDA ininspeksiyon ang Tripa de Gallina Pumping Station; MRT-7 Batasan Station
Ininspeksiyon ng Metropolitan Manila Development Authority (MMDA) ang Tripa de Gallina Pumping Station sa Pasay City, ang pinakamalaking pumping stationsa Metro Manila o National Capital Region (NCR).
Ayon kay MMDA Chairman Atty. Don Artes, ang hakbang na ito ay upang tiyaking walang antala ang operasyon ng Tripa de Gallina Pumping Station lalo na ngayong masamang lagay ng panahon.
Unang iniutos ni Pangulong Ferdinand Marcos Jr. sa lahat ng kinauukulang ahensiya ng gobyerno na magpatupad ng proactive measures at siguruhing kumpleto ang paghahanda lalo na’t maraming komunidad ang nakararanas ng epekto ng habagat.
Sangkaterbang basura ang nakolekta ng MMDA personnel sa Tripa De Gallina Pumping Station nitong Hulyo 22 kabilang na rito ang mga lumang furniture, sirang refrigerator, gulong, sanga ng kahoy at iba pang malalaking basura.
“When plastics are sucked into the pump, they get coiled in the engine, resulting in overheating. The efficiency of our pumping stations are really affected and could result in damaged equipment,” paliwanag ni Artes.
Binnggit din ni Artes ang outdated drainage system ng Metro Manila na bahagi ng problema.
“Our drainage system is antiquated, with more than 50 years of service. To address these issues, we need a drainage master plan for Metro Manila that involves upgrading and expanding the existing drainage network, constructing new pumping stations, among others,” pahayag nito.
Tiniyak naman nito na ang lahat ng 71 na pumping stations ay mahalagang tumutugon sa problema ng baha sa Metro Manila, na pawang gumagana ng kabuuang kapasidad.
Binigyang-diin ng MMDA chief na ang disiplina ang nananatiling pinakamahalagang bahagi sa pagtugon sa problema ng baha sa Metro Manila kasabay ng panawagan nito sa publiko nag wastong pagbubukod-bukod ng kanilang mga basura.
Nabatid na regular ang isinasagawang declogging at dedging operations ng mga tauhan ng MMDA Flood Control and Sewerage Management Office (FCSMO) sa mga drainage at daliyan ng mga tubig sa mga pangunahing kalsada sa Metro Manila.Ang programang ito ay isa sa mga hakbang ng ahensiya na mabawasan ang pagbaha bago pa ang panahon ng tag-ulan.
Samantala ininspeksiyon din ni Artes ang MRT Batasan Station sa Commonwealth Avenue sa Quezon City para tugunan ang posibleng sanhi ng baha sa lugar at nagmungkahi ng posibleng solusyon.
“The size of the inlet was reduced to 2 feet by 2 feet from its original dimension of 3 meters by 3 meters. Our agency plans to widen the existing steel-grating drop inlet to intercept the flood waters coming from IBP Road,” diin ni Artes.
Kasama ni Artes sa pag-inspeksiyon ang mga kinatawan ng lokal na pamahalaan ng Quezon City at ng SMC MRT-7 Corporation.
Nangako naman ang SMC Infrastructure na tutugunan nito ang problema at agaran itong iwasto. (Bhelle Gamboa)
