Bagyong Emong lumakas pa; Signal No. 1 nakataas sa 7 lugar sa Luzon

Lumakas pa ang bagyong Emong at ngayon ay nasa Tropical Stom Category na.

Ang sentro ng bagyo ay huling namaraan sa layong 150 kilometers West ng Laoag City, Ilocos Norte.

Taglay nito ang lakas ng hangin na aabot sa 65 kilometers per hour malapit sa gitna at pagbugso na aabot sa 80 kilometers per hour.

Kumikilos ang bagyo sa bilis na 20 kilometers per hour sa direksyong southwest.

Itinaas ng PAGASA ang Tropical Cyclone Wind Signal No. 1 sa sumusunod na mga lugar:

– Ilocos Norte
– Ilocos Sur
– La Union
– northern and western portions of Pangasinan (Dasol, Burgos, Agno, Bani, Bolinao, City of Alaminos, Mabini, Anda, Labrador, Sual, Binmaley, Dagupan City, Lingayen, Bugallon, Infanta, Sison, Mangaldan, San Fabian, San Jacinto, Pozorrubio)
– Apayao
– Abra
– Benguet

Samantala ang bagyong Dante naman ay huling namataan ng PAGASA sa layong 835 kilometers East Northeast ng Extreme Northern Luzon.

Taglay ng Tropical Storm Dante ang lakas ng hangin na aabot sa 65 kilometers per hour malapit sa gitna at pagbugso na aabot sa 80 kilometers per hour.

Ayon sa PAGASA, ang Habagat na pinalalakas ng bagyong Emong at Dante ay magdudulot pa rin ng pag-ulan sa maraming lugar sa bansa.

Kabilang sa mga lugar na maaaring makaranas ng malawakang pag-ulan at matinding pagbaha ay ang Zambales Bataan at Occidental Mindoro. (DDC)