Halaga ng pinsala sa imprastraktura ng mga nakalipas na sama ng panahon umabot na sa P3.75B – DPWH

Umakyat na sa 3.75 billion pesos ng halaga ng pinsala sa imprastraktura ng pinagsama-samang epekto ng mga nakalipas na sama ng panahon.

Ayon sa Department pf Public Works and Highways, kabilang dito ang 483.69 million pesos na halaga ng nasirang mga national road, 24.48 million pesos na halaga ng national bridges, at 3.25 billion pesos na halaga ng flood control structures.

Sinabi ni DPWH Secretary Manuel M. Bonoan, mayroon pang limang (5) national road sections ang hindi pa rin madaanan ng mga motorista, isa (1) sa Cordillera Administrative Region; dalawa (2) sa Region I; isa (1) sa Region III; at isa (1) sa Region IV-A dahil sa insidente ng soil collapse at pagbaha.

Mayroon namang dalawampu’t pito (27) pang national road sections ang limitado pa ring nadaraanan ng mga motorista.

Tiniyak ng DPWH na patuloy ang hakbang ng kanilang mga tauhan para matapos ang clearing operations at repair sa mga napinsalang kalsada. (DDC)