Interest rate ng Calamity Loan ng SSS ibababa sa 7 percent mula sa dating 10 percent

Mula sa 10 percent ay ibababa ng Social Security System sa 7 percent ang interest rate ng calamity loan nito bilang tulong sa mga nasalanta ng bagyong Crising at Habagat sa iba’t ibang panig ng bansa.

Ayon sa SSS, inirekomenda na sa Social Security Commission sa pamumuno ng Chairperson na si Finance Secretary Ralph G. Recto na maibaba ang interest rates para sa calamity loans kasunod ng pagbaba din sa interest rate ng salary loans patungong 8% per annum na ipinatupad noong nakaraang buwan.

Sinabi ni SSS President at Chief Executive Officer Robert Joseph M. De Claro, sa ilalim ng bagong guidelines, papayagan na din ang renewal ng calamity loan makalipas ang anim na buwan.

Mas mabilis na din ang activation process ng Calamity Loan Program na gagawin na lamang pitong araw mula sa Calamity event date kumpara sa dating isang buwan.

Ang loanable amount para sa Calamity Loan ay katumbas ng one Monthly Salary Credit na kukwentahin base sa average ng huling labingdalawang 12 MSCs. (DDC)