LGUs dapat manatiling alerto; sama ng panahon tatagal hanggang sa susunod na linggo
Inatasan ni Department of the Interior and Local Government (DILG) Secretary Jonvic Remulla ang lahat ng local government units na manatiling alerto dahil inaasahang magpapatuloy ang nararanasang sama ng panahon hanggang sa susunod na linggo.
Ayon kay Remulla, base sa pagtaya ng PAGASA hanggang Lunes ay makararanas ng sama ng panahon sa bansa.
Pinaalalahanan na aniya ng DILG ang mga LGU sa kani-kanilang responsibilidad kabilang ang pagsasagawa ng preemptive evacuation sa hazard-prone areas.
Patuloy din ang koordinasyon ng Office of Civil Defense sa mg LGU habang fully operational naman ang Emergency 911 hotline para sa urgent concern sa mga apektadong lugar. (DDC)
