Bagyong Dante lumakas pa isa nang tropical storm ayon sa PAGASA

Lumakas pa ang bagyong Dante at umabot na sa Tropical Storm category ayon sa latest weather bulletin ng PAGASA.

Ang sentro ng bagyo ay huling namataan sa layong 900 kilometers East ng Extreme Northern Luzon taglay ang lakas ng hangin na aabot sa 65 kilometers per hour malapit sa gitna at pagbugsong aabot sa 80 kilometers per hour.

Kumikilos ang bagyo sa bilis na 15 kilometers per hour sa direksyong North northwest.

Ayon sa PAGASA patuloy na kikilos ang bagyo ng northwest sa Philippine Sea sa susunod na 24 na oras at lalapit sa bahagi ng Ryukyu Islands at East China Sea.

Inaasahang lalabas ito ng bansa bukas (July 24) ng tanghali o gabi. (DDC)