DOE pinatitiyak sa Meralco ang mabilis na restoration ng kuryente sa mga apektadong lugar

Tiniyak ng Department of Energy ang mahigpit na makikipag-ugnayan sa Meralco kaugnay ng isang lugar sa kanilang franchise area na nawalan ng suplay ng kuryente.

Ayon sa DOE, as of 8:00 ng umaga ng Martes, July 22 tinatayang nasa 152,674 pa na customer ng Meralco ang apektado ng power outage at pinakamarami dito ay mula sa Metro Manila.

May mga wala pa ding suplay ng kuryente sa Bulacan, Cavite, Rizal, Quezon, Laguna at Batangas.

Aon sa DOE, karamihan sa nawalan ng kuryente ay dahil sa naranasang pagbaha.

Tiniyak ng Meralco sa DOE na patuloy nilang binabantayan ang mga apektadong lugar at handa silang ibalik ang suplay ng kuryente sa lalong madaling panahon at sa oras na ligtas nang magsagawa ng pagkukumpuni. (DDC)