Orange warning nakataas pa rin sa NCR at 7 kalapit na lalawigan
Nananatiling nakataas ang orange rainfall warning ng PAGASA sa Metro Manila at pitong kalapit na lalawigan.
Sa inilabas na heavy rainfall warning ng weather bureau alas 11:00 ng umaga ngayong Martes, July 22 umiiral pa rin ang orange warning level sa sumusunod na mga lugar dahil sa pag-ulan na dulot ng habagat:
– Metro Manila
– Zambales
– Bataan
– Bulacan
– Pampanga
– Cavite
– Batangas
– Rizal
Yellow warning level naman ang nakataas sa Tarlac, Nueva Ecija at Laguna.
Samantala ang lalawigan ng Quezon ay makararanas pa rin ng mahina hanggang sa katamtaman at kung minsan ay malakas na buhos ng ulan sa susunod na tatlong oras. (DDC)
