Tatlong LPA binabantayan ng PAGASA; isa dito mataas ang tsansang maging bagyo sa susunod na 24-oras
Tumaas na ang tsansang mabuo bilang ganap na bagyo sa susunod na 24 na oras ang isang Low Pressure Area na binabantayan ng PAGASA sa loob ng bansa.
Ang nasabing LPA ay huling namataan sa layong 1,140 kilometers East ng Central Luzon.
Habang ang isa pang LPA na nasa loob din ng bansa ay mayroong katamtamang potensyal para maging ganap na bagyo. Huli naman itong namataan sa layong 225 kilometers East Southeast ng Basco, Batanes.
Samantala, mayroon pang isang LPA na binabantayan ang PAGASA na nasa labas naman ng Philippine Area of Responsibility.
Ayon sa weather bureau ang nasabing LPA na huling namataan sa layong 2,850 kilometers East ng Eastern Visayas ay mayroon ding katamtamang tsansa na maging bagyo sa susunod na 24-oras. (DDC)
