18 road sections sarado pa rin sa mga motorista; 15 iba pa limitadong nadaraanan ayon sa DPWH

Mayroon pang labingwalong (18) roads sections ang sarado sa daloy ng trapiko dahil sa naitalang pagbaha, soil collapse at iba pang insidente dulot ng malakas na pag-ulan.

Ayon sa update ng Department of Public Works and Highways o DPWH, kabilang dito ang tatlong (3) kalsada sa Cordillera Administrative Region; labingdalawa (12) sa National Capital Region; dalawa sa (2) sa Region III; at isa (1) sa Region VI.

Mayroon ding labinglimang (15) national road sections ang limitado pa ring nadaraanan ng mga motorista kabilang ang pito (7) sa NCR; lima (5) sa Region III; isa (1) sa Region IV-A; at dalawa (2) sa Region IX.

Patuloy ang ginagawang clearing operations at repair ng DPWH sa mga binaha at nasirang kalsada at tulay. (DDC)